Sentyabr turında kıskaça! ← kire kaytirga
Yaña uku elı şäp yañalıklar häm istälekle çaralardan başlanıp kitte! Äydägez, sentyabr aenıñ töp çaraların bergäläşep barlap, näticälär yasıyk!
· Sälät «Almagaç» mäktäbendä Belem köne
1 nçe sentyabr – här elnı barısı öçen dä üzençälekle, kürkäm ber data. Ul belem dönyasına yaña adım yasau, yaña ömetlär, yaña maksatlar belän uku elına ayak basu köne. Sälät «Almagaç» mäktäbendä dä Belem bäyräme görläde häm berençe saf ukuçıları öçen täüge kıñgırau çıñı yañgıradı. Ukuçılar yaña uku elında da Sälät berläşmäseneñ törle proektlarında häm çaralarında katnaşıp, belemnären tiränäytäçäk häm yaña täcribä tuplayaçak. Belem köneneñ niçek uzuı turında tulırak: Sälät «Almagaç» mäktäbendä Belem bäyräme uzdı!
· «Uramda jıelabız» futbol turnirı
Sälät alannarın häm törle buınnarnı berläşterüçe turnir yanädän sport söyuçän sälätle yaşlärne kızu futbol kırında bergä cıydı. Turnirnıñ töp sannarı: 19 uen, 9 komanda, 2 kön häm 1 çempion! Sport çarası katnaşuçılarga, alarnıñ canatarlarına kütärenke käef, şatlıklı mizgellär häm yaşlekneñ kabatlanmas istäleklären büläk itte. Turnirnı fotosurätlärdän karıy alasız: «Uramda cıelabız» futbol turnirı – 213 fotografiy
· R.G.Boxaraew isemendäge Tatar.Bu Xakaton
12-14 sentyabr könnärendä Kazan Federal uniwersitetında Räis Boxaraew isemendäge Tatar.Bu Xakatonı uzdı. Çara Kazan Digital Legends xakatonnar marafonı kısalarında uzdırıldı häm tatar telen häm mädäniyaten populyarlaştıru häm üsterü öçen innowatsion IT-çişeleşlär buldıruga yunälderelde. Katnaşuçılar öç trekta yarıştı: milli uennar, interaktiw uku-ukıtu, zamança kontent. Bıelgı yarışta 27 komanda katnaştı — keçe ligada 7, ölkän ligada 20 takım, barlıgı 103 katnaşuçı. Kazan, Älmät, Çallı, Innopolis, Ufa, Mäskäü häm Peterburdan barlıgı 202 gariza kilde, şulardan 104 katnaşuçı saylap alındı. Monnan tış, ciñüçelär «Startaplar alleyası» kısalarında Kazan Digital Week – 2025 xalıkara forumında üz proektların täkdim itä alaçak, şulay uk Tatarstan Respublikası Fännär akademiyaseneñ Gamäli semiotika institutında stajirowka uzaçak. Tulırak: R.G.Boxaraew isemendäge Tatar.Bu Xakatonı näticäläre bilgele
· Sälät «Almagaç» mäktäbe gailäläreneñ közge küçmä sessiyase
Sälät «Almagaç» mäktäbe gailäläreneñ közge cıenında bäläkäçlär, asıltaşlar häm balalarnıñ äti-äniläre öçen bik şäp programma äzerlände. Küñelle uennar, icadi aktiwlıklar, sport yarışları — «Almagaç» mäktäbe gailäläre cıenınıñ här çarası ixlas elmayularga häm şatlıklı alkışlarga bay buldı.
· «Sälätle cäy – 2025» yal itü kampaniyaseneñ yomgaklau konferentsiyase
Sälät 2025 elgı cäyge yal itü kampaniyasenä näticälär yasadı. Yomgaklau konferentsiyasendä Sälät üzäkläre ellık eş näticälären täkdim itte, täcribäläre belän urtaklaştı häm üseş noktaların bilgeläde. Oeştıruçılarga namuslı, yugarı däräcädäge xezmäte öçen räxmät süzlären citkeräbez! Biredä barısı da balalarnıñ yalı tagın da yaxşırak, faydalırak häm küñelleräk bulsın öçen eşlänelä!
· «Fänsar» mäktäbe, «Olimp» häm «Sanak lab» uku-ukıtu laboratoriyasenä garizalar kabul itü kampaniyaläre startı!
25 – 31 oktyabr könnärendä Bilärdä uzaçak «Fänsar» mäktäbeneñ közge küçmä sessiyase, 2 noyabrdän 8 noyabrgä kadär şulay uk Bilärdä uzaçak «Sanak lab» uku-ukıtu laboratoriyaseneñ közge küçmä sessiyase häm 27 oktyabrdän 2 noyabrgä kadär «Yoldızlı» bazasında uzaçak «Olimp» alanınıñ közge smenası garizalar kabul itelä başladılar. Tulırak mäglümat belän bezneñ räsmi akkauntlarıbızda tanışa alasıñ!
· «Yaş yöräklär» teatr laboratoriyase katnaşuçılar tuplıy!
13-20 yaş aralıgındagı teatr sängate belän kızıksınuçılarnı 5 yubiley sezonına kuşılırga: maxsus däreslärdä häm treninglarda, akterlar belän oçraşularda katnaşırga, G. Kamal teatrı häm respublikabıznıñ başka teatrları belän yakınnan tanışırga häm buşlay tamaşa kılırga, spektakllärdä uynarga çakırabız! Gariza cibärü öçen sıltama: https://t.me/seletofficial/9428