Казанда яңа ачылган халыкара яшьләр хезмәттәшлеге проект офисы: нәтиҗәләр һәм киләчәккә планнар ← кире кайтырга

22-23 нче сентябрьдә Казанда «Россия - Ислам хезмәттәшлеге оешмасы» юнәлеше буенча ачылган халыкара яшьләр хезмәттәшлеге проект офисының Россиякүләм мәктәбе» интенсивы узды.

Интенсивта катнашучылар ИХО илләренең дөнья сәясәтендә һәм икътисадында тоткан урынына кагылышлы гамәли семинарларда катнашты, яшьләр эшмәкәрлеге һәм гуманитар өлкәдә хезмәттәшлекне үстерүгә кагылышлы проектлар эшләде, аларны тәкъдим итү дә булды.

Беренче көнне катнашучылар өчен «Ислам хезмәттәшлеге оешмасының 50 еллыгы: тәҗрибә һәм үсеш векторлары. Россия – Исламский дөньясы стратегик караш төркеме тәҗрибәсе» темасына семинар да булды. Анда шушындый темалар күтәрелде:

- барлыкка килү тарихы, дөнья сәясәтендә һәм икътисадында тоткан урыны.

- мәгълүмати-мәдәни хезмәттәшлек.

- фәнни-техник хезмәттәшлек.

- икътисад-сәүдә хезмәттәшлеге.

Ә икенче көнне катнашучылар өчен лекцияләр, воркшоплар, үз проектларын тәкъдим итү һәм нәтиҗәләр ясау булды.

Проектны «Росмолодежь» федераль агентлыгы Яшьләр эшләре министрлыгы, «Яшьләр дипломатиясе академиясе» һәм Сәләт белән берлектә оештыра.

Казанда яңа ачылган «Россия - Ислам хезмәттәшлеге оешмасы» юнәлеше буенча халыкара яшьләр хезмәттәшлеге проект офисы турында аның җитәкчесе Таһир Насибуллиннан сораштык.

– Проект офисына бик җаваплы бурыч йөкләнгән - Россия Федерациясе яшьләр һәм яшьләр оешмаларының Ислам хезмәттәшлеге оешмасы илләреннән партнерлар белән системалы хезмәттәшлекне федераль дәрәҗәдә тәэмин итү. Офис эше кысаларында берничә чара үткәрелде инде. «Россия-Ислам дөньясы» стратегик караш төркеме белән берлектә августта онлайн форматта «Мәдәниятләрнең Болгар диалогы 2020» халыкара җәйге мәктәбе үткәрелде.

«Евразия-Global» халыкара яшьләр форумы кысаларында сентябрьдә офисны тәкъдим итү үткәрелде, аның кысаларында Проект офисы эшчәнлегенә багышланган тематик мәйданчык эше оештырылды. Менә хәзер «Россия - Ислам хезмәттәшлеге оешмасы» юнәлеше буенча халыкара яшьләр хезмәттәшлегенең проект офисы бөтенроссия мәктәбе узды.

Киләчәктә Проект офисының максатлары зур. Яшьләр белән алмашу тәртибен һәм Россия Федерациясе яшь лидерларының ИХО илләренә сәфәрләрен оештыру буенча даими эшне җайга салу, яшьләр өчен ИХО илләре буенча методик база булдыру һәм, әлбәттә, ИХО юнәлеше буенча төрле чаралар уздыру. Октябрьдә ИХО илләре яшь эшмәкәрләре форумына нәтиҗәләр ясарга җыенабыз. Быел анда бөтен дөньядан 150 проект сайлап алынган иде. Ә ноябрьдә «Восточный экспресс» белем бирү чаралары циклы планлаштырылган.

Якын арада ИХО илләре яшь эшмәкәрләренең 2021 нче елда узачак форумына һәм яшь дипломатлар форумына программа төзи башлыйбыз. Партнерлар белән сөйләшүләр алып бара башладык инде.

Шуны да әйтеп китәргә кирәк: Проект офисы эшчәнлеге ИХО илләрендә яшәүче яшь ватандашлар белән элемтәләрне ныгытырга булышачак.

Проект офисы Сәләт Йортында урнашачак.