ИХО илләре өчен V Казан яшь эшмәкәрләр форумы ачылды ← кире кайтырга

21-нче апрельдә Казанда ИХО илләренең V Казан яшь эшмәкәрләр форумы башланды. Анда эшмәкәрлек элемтәләре булдыру, IT буенча стартап проектларын чынга ашыру белән кызыксынучы 30 проект авторы катнашты.

Форумның оештыручылары һәм гамәлгә куючылары булып Ислам Хезмәттәшлеге Оешмасының Яшьләр форумы һәм Татарстан Республикасының Хакимияте тора. Форум 2014-нче елдан башлап уздырыла һәм ел саен 100ләп стартап проектны, инвесторларны һәм экспертларны җәлеп итә.

Чараның масштабы елдан-ел зурая: быел 50 илдән 700ләп вәкил катнашты. Алар – Әзербайҗан, Мисыр, Германия, Һиндстан, Иран, Иордания, Кыргызстан, Ливан, Пакыстан, Палестина, Бөекбритания, Казахстан, Рәсәй вәкилләре. Җәлеп ителгән инвестицияләрнең гомуми суммасы 2 млн доллардан артып киткән.

Ачылу тантанасында Татарстан Республикасы Яшьләр эшләре министрының беренче урынбасары Тимур Сөләйманов, Татарстан Республикасының Инвестицион үсеш агентлыгы җитәкчесе Талия Миңнуллина, «ИТ-парк» югары технологияләр өлкәсендәге технопарк» директоры Антон Грачев һәм ислам хезмәттәшлегенең яшьләр юнәлеше буенча Евразия төбәк үзәгенең проект координатор Анар Юсуфзада катнашты.

ИХО илләренең V Казан яшь эшмәкәрләр форумы республикага халыкара мөнәсәбәтләрне ныгытырга һәм социаль элемтәләр булдырырга ярдәм итә. Иң яхшы проектлар KazanSummit 2019-да инвесторларга тәкъдим ителәчәк.