Tanış bulıgız, «Fänsar»! ← kire kaytirga

Cäyge alannar kaylarda ütäçäk? Bazalarda balalar öçen nindi şartlar tudırılgan?

Hiçşiksez, bu soraular äti-änilärne eş borçıy. Şuña da Sälät bazaları turında mäglümat komaçau itmäs. Bügen süz «Fänsar» fän häm mägarif üzäge turında baraçak! 

«Fänsar» fän häm mägarif üzäge - törle däräcädäge çaralar ütkärelergä mömkin bulgan zamança küpfunktsiyale kompleks.  

«Fänsar» FMÜ  – ul
- yaşäü öçen uñaylı bülmälär;
- eş bülmäläre;
- aşxanä;
- küpfunktsiyale zal;
- açık port mäydançıkları;
- açık basseyn;
- munça;
- maşina kuyu urınnarı. 

«Fänsar» Kazannan 150 km eraklıkta, Bilärdä urnaşkan. Ä ul – respublikabızdagı ataklı, siräk oçrıy torgan tarixi häm mädäni häykällär arasında aerım urın algan böek şähär. 

Xäzerge köndä Bilär yanında, riwayatlärgä kümelgän Xucalar tawında Izge Çişmä çelteri, şähärlek territoriyasendä tarixi yadkarlär torgızıldı, Bilär tarixi-arxeologik häm tabigıy muzey-tıyulıgı barlıkka kilde, A.E.Arbuzownıñ muzey-yortı açıldı. 

Häm bolarnıñ barısı - kul suzımı arada, döresräge, «Fänsar»dan 5 minut eraklıkta urnaşkan.

Meñ kat işetkänçe, ber kabat kürü xäerle, dilär. Sez dä «Fänsar» fän häm mägarif üzägen kilep küregez! Cäyge alannarga kötep kalabız! portfolio-selet.ru saytına räxim itegez!