«Äydamannar yarışı 2017»: bäyge häm katnaşuçılar turında kire kaytirga

«Äydamannar yarışı 2017»: bäyge häm katnaşuçılar turında

20-nçe - 23- nçe oktyabr aralıgında Bilär kalasınıñ «Fänsar» üzägendä «Äydamannar mäktäbe» proektı kısalarında, «Äydamannar yarışı» bäygese uzdı. Älege bäyge äydamannarnıñ  cäyge smenalarda gına tügel, ä el däwamında aktiw eşçänlek alıp baruları xakında söyli.

Berniçä kön däwamında konkursantlar üz kuratorları belän «Berençe liga» häm «Premer-liga»larga bülenep bik aktiw eş alıp bardılar.

Bäygelär berençe könne ük başlanıp kitte: alannarda uen, üzeñne täkdim itü h.b. Äydamannar üzläre xakında häm Sälät moxite turında bik kızıklı itep söylädelär.

Berençe kön traditsion şämçek belän tämamlandı. Şunı iskärtep uzabız, şämçek – bäygeneñ ber öleşe bulıp tordı.

Bäygeneñ ikençe köne isä «Top-spiker» belän başlanıp kitte. Monda katnaşuçılarnıñ oratorlık ostalıkları bäyalände. Cäyge smenalarda törle situatsiyalär wakıtında üzeñne häm komandañnı döres bäyaläü kebek mäsälälär kütärelgän ide.

Könneñ ikençe öleşe katnaşuçılar öçen aeruça cawaplı ide. Alar «Pedagogik situatsiya»lärdän çıgu yulların ezlädelär. Härber katnaşuçı «Sälät» fondınıñ başkarma direktorı Timur Söläymanow karşında imtixan tottı.

Programma kısalarında intellektual yaktan da sälätlären açu maksatınnan esse yaza belülären tikşerdelär. Monıñ öçen Kazannan maxsus jyuri da çakırtılgan ide. 

Bıel «Top-spiker» bäygeseneñ temaları bik üzençälekle ikänen dä äytep uzarga kiräk. «Berençe liga» temaları: «Tılsım kilä! Karşı al!», «Äydä..! », «Show must go on», «Berençe tapkır bulsa da kurıkmıym». «Premer-liga» temaları: «SOS», «Mizgeldän dä kıymmäträk...».

«Bäxetle mizgel»dä isä 1 minut eçendä üz talantıñnı açıp kürsätergä kiräk ide.

Konkursta katnaşuçılar 22-nçe oktyabr könne  «Fänsar» üzägendä Sälät proektları citäkçese Ädip Älmir belän dä oçraştılar.

«Älege bäyge äydamannar bäygese dä tügel, alannarda eşläü dä tügel, bu – sezneñ tormışıgızda tagın ber baskıç. Sezgä karap soklanam häm gorurlanam. Sez Sälät dönyasın tulısı belän belgän keşelär. Sezneñ härberegez ciñüçe! Härberegez üzençä sälätle, talantıgız belän  urtaklaşıgız. Bez berdäm, bez köçle!» Telägem şul: här oçraşudan fayda alıgız. Yaña ürlär yaulagız. Bezneñ komanda köçle, Sälät könnän-kön üsä. Sezneñ kebek köçle yaşlär bezgä kiläçäktä dä kiräk» - dip fikeren belderde Ädip Älmir.

Oçraşu sorau-cawap formatında däwam itte.

«Min dä sezneñ kebek aktiw idem. Liderlık sıyfatı, minemçä, tugannan uk  kürenä. 20 yaşemdä min otryad komandirı bulıp, 40 keşe belän idarä ittem. Bez tözeleş belän şögıllänä idek. Şul wakıtta min Sälät yaşlär oeşması tözermen dip ber dä uylamagan idem. Bügenge köndä min Sälättä yaşim! Här alan, här smena – üze ber gailä. Ideyaläre taşıp torgan yaşlärneñ urtasında torasım kilä», – dip gorurlanıp süzen tämamladı Ädip Älmir.

 

«Äydamannar yarışı» bäygeseneñ finalı 22-nçe oktyabr könne ütkärelde. Saylap alu etabınnan menä kemnär uzdı: «Berençe liga» – Ayzirä Kärimullina, Fäyrüzä Latifullina, Ruşan Zakirow, Güzäl Sabircanowa.  «Premer-liga»da isä Aygöl Wäliullina, Läysän Safina, Göliya Imamowa, Milyaüşä Siraciewa, Ilyuzä Şäwäliewa häm Almaz Gabdelbarow köç sınaştılar.

Här bäygedä katnaşuçılar kreatiw ideyalären täkdim ittelär. Kemder cır icat itte häm gitaraga kuşılıp cırladı, kemder üz isemeneñ berençe xärefenä  tormışı xakında söyläp uzdı.

 «Proekt tözü» etabı bıel ciñellärdän tügel ide.  Härkem alan programmasın täkdim itärgä tieş ide.

 Öç kön sizelmiçä uzıp kitte. «Äydamannar yarışı» proektı axırında katnaşuçılarga sertifikatlar häm diplomnar tapşırıldı.

 «Top-spiker»da Ayzirä Kärimullina («Berençe liga»), Läysän Safina («Premer-liga») ciñüçe buldı.

«Şämçek» nominatsiyasendä yañ yaxşılar bulıp  Niyaz Murzaxanow («Berençe liga) häm Aygöl Wäliullina («Premer-liga) tabıldı.

«Äydamannar yarışı»nıñ ciñüçeläre menä alar: Ayzirä Kälimullina («Berençe liga») häm Aygöl Wäliullina («Premer-liga»). Premer-liga prizerları isä Läysän Safina (2-nçe urın) häm Milyaüşä Siraciewa (3-nçe urın).

Kotlıybız! Afärin!

Sälät media-mäktäbe ukuçısı Liya Miftaxetdinowa