«Änwär Xäyri ukuları» konferentsiyaseneñ garizalar kampaniyase eşçänlegen başlap cibärde! ← kire kaytirga

IX Respublikaküläm «Änwär Xäyri ukuları» yaşlär fänni-gamäli konferentsiyasenä garizalar kabul itü başlandı! Yaşlärgä häm mäktäp ukuçılarına tarixi-arxeologik ölkägä kagılışlı fänni-praktik eşlärendä yardäm itü, Bilär kalası tarixın fänni öyränügä häm Bilärne dönyaga tanıtuga zur öleş kertüçe, tatar dönyası tarixında cuelmas ez kaldıruçı galim, sälkeşlärneñ dustı häm ostazı Änwär Xäyri isemen mäñgeläşterü maksatınnan oeştırıluçı konferentsiyaneñ programması üz eçenä kiläse temalarnı ala:

• «Böek Bilär kalası: tarix, bügen häm kiläçäk»; 

• «Böek Bilär tiräsendäge awıllar tarixı» (tarixi yazmalar, istäleklär, riwayatlär); 

• «Änwär Xäyri mirası»; 

• «Min yaratam sine, tugan cirem» (mäktäp tarixı, awıl tarixı, uram tarixı h.b.);

• «Gailäm tarixı» (şäcärä, gailä belän bäyle bulgan istäleklär); 

• Änwär Xayrineñ «Şähre Banu – Şärbän kıyssası» isemle kitabı nigezendä yazılgan dokladlar. 

Konferentsiya eşe 2 sektsiya buença oeştırılgan:
1. fänni-gamäli sektsiya: 

• problemalı-tikşerenü;
• problemalı-referatiw; 
• problemalı-ezläü eşläre. 

• wideorolik (interwyu, reportaj, wideoklip);
• üzeñ icat itkän şigır;
• esse.