Elnıñ iñ kötelgän wakıygası! VIII «Sämrux» El premiyasenä garizalar birü kampaniyase start ala! kire kaytirga

Elnıñ iñ kötelgän wakıygası! VIII «Sämrux» El premiyasenä garizalar birü kampaniyase start ala!

Sämrux koşınıñ üz kanatların kiñ cäyuen küräsezme, anıñ ahäñle tawışın işetäsezme, yalkınlı yöräk tibeşen toyasızmı? Ul yakınlaşa! Härkem kötep algan.... VIII «Sämrux» El premiyasenä garizalar birü kampaniyase start ala!

Premiya Tatarstan Respublikası «Sälät» yaşlär ictimagıy fondı tarafınnan Tatarstan Respublikası xökümäte yardäme belän ütkärelä. Oeştıruda «Kazan sälätlelär açık uniwersitetı 2.0» Awtonom kommertsiyaçel bulmagan oeşması yardäm itä.

Premiya Sälät xäräkätendä katnaşuçı sälätle balalarnı häm talantlı yaşlärne büläkläü, Sälät aktiwistlarınıñ, partnerlarınıñ, Sälät proektları awtorlarınıñ häm oeştıruçılarnıñ eşenä bäya birü maksatı belän oeştırıla.

VIII «Sämrux» respublika sälätle balalar häm talantlı yaşlär premiyase tübändäge nominatsiyalär buença ütkärelä:

·        «El direktorı» nominatsiyase. Nominatsiyadä katnaşu öçen möhim şart: «Sälät 2022» cäyge profille alanında direktor bulu.

·        «El ölkän äydamanı» nominatsiyase. Nominatsiyadä katnaşu öçen möhim şart: «Sälät 2022» cäyge profille alanında ölkän äydaman bulu.

·        «El metodistı» nominatsiyase. Nominatsiyadä katnaşu öçen möhim şart: «Sälät 2022» cäyge profille alanında metodist bulu.

·        «El alanı» nominatsiyase. Nominatsiyadä katnaşu öçen möhim şart: «Sälät 2022» cäyge profille alanı bulu.

·        «El sälkeşe» nominatsiyase. Nominatsiyadä katnaşu öçen möhim şart: 14 yaştän alıp 18 yaşkä kadärge sälkeşlärneñ Sälät xäräkätendä aktiwlıgı 2 eldan da kim bulmau.

·        «El äydamanı» nominatsiyase. Älege nominatsiyaneñ laureatları häm ciñüçese Respublikaküläm «Äydamannar yarışı 2022» bäygese näticäläre nigezendä bilgelänä.

·        «El klubı» nominatsiyase. Nominatsiyadä katnaşu öçen möhim şart: Sälät xäräkätendä kimendä ber el eşçänlek täcribäse bulu.

·        «El kuldaşları» nominatsiyase. Nominatsiyadä katnaşu öçen möhim şart: «Sälät 2022» cäyge profille alanında kuldaş bularak (ber törkemdä) eşläü.

·        «El proektı» nominatsiyase. Nominatsiyadä katnaşu öçen töp şart: Proektlar ofisınıñ ber öleşe bulgan töp proektlardan kala, 2022 el däwamında gamäldä bulgan häm ber eldan artık gamälgä aşırılgan proekt yaki proektlar eçendäge aerım çara bulu.

·        «Sälät cırlıy» nominatsiyase. Nominatsiyadä katnaşu öçen möhim şart: 2021-2022 nçe ellarda icat itelgän awtorlık cırı bulu.

Premiya dürt etapta uzdırıla:

1 nçe etap – «Garizalar kabul itü».

Katnaşuçılar garizanı raslangan forma belän www.selet.biz saytında tutıralar häm portfolioların Oeştıru komitetına cibärälär. Wakıtı – 2022 elnıñ 27 nçe noyabrenä kadär.

2 nçe etap – «Katnaşuçılarnı saylap alu. Çittän torıp katnaşu etabı».

Katnaşuçılarnı portfolio nigezendä saylap alu. Katnaşuçınıñ kiläse etapka uzu-uzmawı cıelgan ballar sanına karap bilgelänä. Barlık nominatsiyalärdä dä katnaşuçılarnıñ soñgı ike elda ireşkän uñışlarına bäya birelä.  Wakıtı – 2022 el, 28 nçe noyabr - 4 nçe dekabr.

3 nçe etap – «Katnaşuçılarnı äñgämä nigezendä saylap alu». 

Kandidatlar belän äñgämäne ekspertlar sowetı uzdıra häm bäya birä.  Ballar berençe etapnıkılar belän kuşıla. Wakıtı – 2022 elnıñ 8 nçe dekabrennän 2022 elnıñ 29 nçı gıynwarına kadär.

4 etap – «Tantanalı räweştä premiyane tapşıru».

2023 el, fewral – laureatlarnı häm premiyaneñ ciñüçelären büläkläü. Tantananı ütkärü datası häm wakıtı Oeştıru komitetı tarafınnan östämä räweştä xäbär itelä.

Garizagıznı cibärergä onıtmagız!  


NIGEZLÄMÄ

GARIZA