Kazanda yaña açılgan xalıkara yaşlär xezmättäşlege proekt ofisı: näticälär häm kiläçäkkä plannar ← kire kaytirga

22-23 nçe sentyabrdä Kazanda «Rossiya - Islam xezmättäşlege oeşması» yunäleşe buença açılgan xalıkara yaşlär xezmättäşlege proekt ofisınıñ Rossiyaküläm mäktäbe» intensiwı uzdı.

Intensiwta katnaşuçılar IXO illäreneñ dönya säyasätendä häm iktisadında totkan urınına kagılışlı gamäli seminarlarda katnaştı, yaşlär eşmäkärlege häm gumanitar ölkädä xezmättäşlekne üsterügä kagılışlı proektlar eşläde, alarnı täkdim itü dä buldı.

Berençe könne katnaşuçılar öçen «Islam xezmättäşlege oeşmasınıñ 50 ellıgı: täcribä häm üseş wektorları. Rossiya – Islamskiy dönyası strategik karaş törkeme täcribäse» temasına seminar da buldı. Anda şuşındıy temalar kütärelde:

- barlıkka kilü tarixı, dönya säyasätendä häm iktisadında totkan urını.

- mäglümati-mädäni xezmättäşlek.

- fänni-texnik xezmättäşlek.

- iktisad-säüdä xezmättäşlege.

Ä ikençe könne katnaşuçılar öçen lektsiyalär, workşoplar, üz proektların täkdim itü häm näticälär yasau buldı.

Proektnı «Rosmolodej» federal agentlıgı Yaşlär eşläre ministrlıgı, «Yaşlär diplomatiyase akademiyase» häm Sälät belän berlektä oeştıra.

Kazanda yaña açılgan «Rossiya - Islam xezmättäşlege oeşması» yunäleşe buença xalıkara yaşlär xezmättäşlege proekt ofisı turında anıñ citäkçese Tahir Nasibullinnan soraştık.

– Proekt ofisına bik cawaplı burıç yöklängän - Rossiya Federatsiyase yaşlär häm yaşlär oeşmalarınıñ Islam xezmättäşlege oeşması illärennän partnerlar belän sistemalı xezmättäşlekne federal däräcädä täemin itü. Ofis eşe kısalarında berniçä çara ütkärelde inde. «Rossiya-Islam dönyası» strategik karaş törkeme belän berlektä awgustta onlayn formatta «Mädäniyatlärneñ Bolgar dialogı 2020» xalıkara cäyge mäktäbe ütkärelde.

«Ewraziya-Global» xalıkara yaşlär forumı kısalarında sentyabrdä ofisnı täkdim itü ütkärelde, anıñ kısalarında Proekt ofisı eşçänlegenä bagışlangan tematik mäydançık eşe oeştırıldı. Menä xäzer «Rossiya - Islam xezmättäşlege oeşması» yunäleşe buença xalıkara yaşlär xezmättäşlegeneñ proekt ofisı bötenrossiya mäktäbe uzdı.

Kiläçäktä Proekt ofisınıñ maksatları zur. Yaşlär belän almaşu tärtiben häm Rossiya Federatsiyase yaş liderlarınıñ IXO illärenä säfärlären oeştıru buença daimi eşne cayga salu, yaşlär öçen IXO illäre buença metodik baza buldıru häm, älbättä, IXO yunäleşe buença törle çaralar uzdıru. Oktyabrdä IXO illäre yaş eşmäkärläre forumına näticälär yasarga cıenabız. Bıel anda böten dönyadan 150 proekt saylap alıngan ide. Ä noyabrdä «Wostoçnıy ekspress» belem birü çaraları tsiklı planlaştırılgan.

Yakın arada IXO illäre yaş eşmäkärläreneñ 2021 nçe elda uzaçak forumına häm yaş diplomatlar forumına programma tözi başlıybız. Partnerlar belän söyläşülär alıp bara başladık inde.

Şunı da äytep kitärgä kiräk: Proekt ofisı eşçänlege IXO illärendä yaşäüçe yaş watandaşlar belän elemtälärne nıgıtırga bulışaçak.

Proekt ofisı Sälät Yortında urnaşaçak.