Bezneñ Aliya – ciñüçe! ← kire kaytirga

Sälät aktiwistı Aliya Äxmätowa «Yaz güzäle-2019» konkursında ciñü yauladı.

«Yaz güzäle» – Tatarstan yugarı uku yortlarında ukuçı student kızlar köç sınaşa torgan konkurs ul. Bıel konkursta katnaşu öçen 55 kız gariza birgän bulgan. Şularnıñ 8e finalga ütte. Kızlar intellektual yaktan da, aş-suga ostalık yagınnan da köç sınaştılar, törle ostaxanälärdä katnaştılar, ä gala-kontsertta isä üz-üzlären täkdim ittelär häm icadi nomer kürsättelär.

«Bu bik masştablı konkurs. Anıñ maksatı – tatar telen häm mädäniyaten saklau, tagın da populyarlaştıru. Şuşındıy konkursta töp büläkkä iya buluım bik zur däräcä! Miña monda tatar telle moxit, konkursantlar arasında duslık mönäsäbätläre, şäp täcribä alu mömkinlege oşadı!» – dip söyläde Aliya.