Yanaliklar
Sälät mäktäpkäçä yaştäge balalar belän dä eşli
Sälätneñ berençe sälkeşläre inde küptän üsep, üzläre äti-äni bulsalar da, alarnıñ Sälättän aerılasıları kilmi. Balaçakların, yaşleklären sagınıp, küp kenä «Sälät» weterannarı el saen Bilärdäge forumga kilä. Üzlären küp närsägä öyrätkän Sälät ruxı keçkenädän señä torsın dip, näni balaların da biregä alıp kilälär.
Bezgä Awstraliyadän dä kilälär
SELET BILER FORUM – Sälätneñ traditsion festiwal-forumı. Töp katnaşuçıları Sälätneñ cäyge profil smenalarına saylap alu bäygesen uzgan sälätle balalar häm yaşlär. Tarixi urınga Tatarstan Respublikasınnan häm Räsäy töbäklärennän kala yakın häm erak çit illärdän mäktäp ukuçıları häm studentlar kilä. Şularnıñ berse – Sälätneñ «Ruxiyat» alanında yal itüçe, Awstraliyadän kilgän kunagıbız Xäfizä Garipowa.
Sälkeşlärgä iñ yaxşı spikerlar belem birä
SELET BILER FORUM-da uku-ukıtu programması däwam itä. Sälkeşlärgä törle yaktan üzlären açarga häm tabarga üz ölkälärendä zur uñışlarga ireşkän spikerlar yardäm itä. Tatarstan Respublikası Fännär Akademiyaseneñ Urta gasırlar arxeologiya Institutı bülek mödire Zöfär äfände Şakirow sälkeşlärgä arxeologiya fäne tiräsendä cıelgan uydırmalar xakında söyläde.