Awgust turında kıskaça! ← kire kaytirga
Cäyneñ soñgı aenda Sälät alannarında yözlägän sälkeşlär yal itte, yaña uku elına köç häm energiya tupladı, şunıñ belän bergä «Sälätle cäy - 2025» kampaniyase dä üz eşen tögälläde.
Awgust aena bergäläşep näticälär yasıyk!
· «Akbüre» alanı
«Akbüre» – Tatarstan Respublikasınıñ sälätle balalar häm yaşlären tabu häm üsterügä, östämä belem birügä, uku öçen uñaylı şartlar tudıruga yunälderelgän profille Sälät alanı. 2025 elnıñ cäyge smenasında 70 tän artık bala katnaştı: alar arasında Kazan, Mäskäü, Yar Çallı, Baltaç, Biektau, Balık Bistäse rayonnarı häm xätta Törkiyadän kilüçe katnaşuçılar da bar ide. Uku-ukıtu programması liderlık potentsialın üsterügä yunälderelgän häm SMM, grafik dizayn, ingliz tele, şäxsi üseş häm proekt eşçänlege buença däreslär häm ostaxanälärdän gıybarät ide. Här könne intellektual, icadi, muzıkal, akterlık häm liderlık sälätlären üsterügä yunälderelgän mädäni häm sport çaraları uzdırıldı. Monnan tış, Böek Watan sugışı geroyları istälegenä bagışlangan «Min gorurlanam» patriotik aktsiyase aerım igtibarga laek.
· «Kama» alanı
Elga buenda urnaşkan unikal sport yunäleşle «Kama» alanı – sport häm turizm, icat häm küñel açu belän bergä aktiw yal itü öçen ideal urın. Alan yunäleşe kısalarında saylangan sport törendä trenirowka (futbol, woleybol, basketbol, tennis), turizm ölkäsendä belem alu, intellektual östäl uennarı, sport biyuläre kebek däreslär oeştırıldı. Alar öçen ataklı spikerlar, icat keşeläre häm üz eşeneñ ostaları unikal belemnär belän büleşte. Kön barışında balalar saf hawada sport uennarı, küñelle kiçke çaralarda katnaştı häm törle yaklap üzläreneñ sälätlären kamilläşterä aldı.
· «Batır» alanı
«Batır» alanı şulay uk sport häm turizm yunäleşendäge cäyge profille Sälät alanı. El saen alanda Çuwaşiya häm Tatarstan Respublikalarınnan sport häm turizm belän şögıllänüçe, sälamät yaşäü räweşe alıp baruçı, şähär, respublika häm Bötenrossiya külämendä uzdırıluçı yarışlarda ciñü häm prizlı urınnar yaulagan 12 yaştän alıp 18 yaşkä kadärge balalar yal itä. Smenanıñ uku-ukıtu programması kısalarında Tatarstan Respublikasınıñ ataklı trenerlarınnan futbol, basketbol, woleybol, östäl tennisı, stretçing, xoreografiya häm şaxmat buença däreslär uzdırıldı. Monnan tış, sälkeşlär öçen wokal, gitarada uynau, badminton, skrapbuking, räsem, «Närsä? Kayda? Kayçan?» uenı, debatlar buença häm başka kızıklı ostaxanälär ütkärelde.
· «Galäm» alanı
«Galäm» alanı Rossiya Federatsiyaseneñ törle regionnarınnan —
Mäskäü, Tübän Nowgorod, xätta Ispaniya, Frantsiya häm Törkiya illärennän kilgän 220 bala öçen
media ölkäsennän törle künekmälär belän tanışıp, tormışta kullanırga häm üzläşterergä öyränergä mömkinlek birde. Mädäni programma şulay uk bik tıgız häm aktiw ütte. Smenanıñ här köne belem birü häm uen däresläre, sport yarışları häm mädäni kiçke çaralar belän ürelep bardı.
· «Imänkäy» alanı
«Imänkäy» – «Sälät» sälamätländerü lagerları sisteması kısalarında oeştırılgan cäyge profille smena. Smenanıñ üzençälege – katnaşuçılar sanı 80% ka Alekseewsk rayonı balalarınnan toruı. Tatarstan Respublikasınıñ başka rayonnarınnan häm Rossiya Federatsiyaseneñ töbäklärennän kilgän balalar östämä konkurs etabın uzdı. Bu elnı älege alan yubiley smenasın bilgeläde. «Imänkäy» cäyge profille Sälät smenasında tormışnıñ ekologik nigezlärenä basım yasala: ekologiya häm fän; eko-gadätlär; çüpne eşkärtü; «Yaş bakçaçı»; üz kullarıñ belän eko-eşlänmälär yasau. Kızıklı uku-ukıtu programmasınnan tış balalar öçen şäxes formalaştıruga yunälderelgän icadi, sport, fänni-intellektual çaralar da tormışka aşırıldı.
· «Şayan» alanı
«Şayan» cäyge profille Sälät alanı – «ŞAYaN TW» berençe tatar balalar telekanalı häm «Sälät» oeşması belän berlektä ütkärelüçe, «Telewidenie» yunäleşendä balalarnıñ belemnären tiränäytügä yunälderelgän alan. «Şayan» alanı programması şulay uk dublyaj (multfilmnarnı tawışlılandıru) häm SMM yunäleşlären dä üz eçenä aldı. Yunäleşlär buença däreslärne häm ostaxanälärne jurnalistika ölkäsendäge täcribäle belgeçlär, tanılgan telewidenie häm radio alıp baruçıları, blogerlar häm dublyaj akterları alıp bardı. Uku-ukıtu programması barışında balalar üzläre wideosyujet töşerergä, multfilmnı tawışlılandırırga, telegram kanalı öçen yazmalar yazarga, montaj yasarga öyrände. Näticälär buença ekspertlar tarafınnan iñ yaxşı eşlär bilgelände häm alarnıñ awtorları büläklände, şulay uk eşlär «ŞAYaN TW» telekanalı efirında kürsäteläçäk!