Sälätle Encedän çirattagı ciñü! ← kire kaytirga
Soçi şähärendä «Fakel» Xalıkara festiwaleneñ yabılu tantanası uzdı. Bezneñ öçen tagın söeneçle xäbär: Sälätneñ yakın dustı Ence Äxmätcanowa Gran-priga laek buldı.
Festiwal gala-kontsertında Germaniya, Boliwiya, Kıtay, Wetnam, Kırgızstan, Belarus häm başka il wäkilläre çıgış yasagan, härberse üz xalkınıñ mädäniyaten täkdim itkän. Bezneñ Ence Tatarstan Respublikasın täkdim itkän, tatar telendä «Söembikä» bäeten başkargan.
«Festiwaldä Gran-pri alu minem öçen bik kötelmägän xäl buldı. Şundıy söendem! Iwan Cihanow miña gramota tapşırganda, sin xäzer Näcip Cihanow isemendäge Kazan konserwatoriyasendä ukırga tieş inde, dide. Min bik tırışaçakmın! Bezneñ komandaga, miña köç birep, minem öçen can atıp toruçılarga, äti-äniemä, ukıtuçılarıma, konkursnı oeştıruçılarga häm jyuri ägzalarına häm miña ışanıç beldergän «Gazprom transgaz» oeşmasına zur räxmätemne belderäm!» – dip xisläre belän urtaklaştı Ence Äxmätcanowa.