Василь Шайхразиев: "Вы-наша надежда на светлое будущее"

Açıklık kertäbez, Sarı futbolkanı - sälkeş, zäñgärne - äydaman, kızılnı - başcitäk kiya. “Sälät”  2023 elnıñ eşçänlegenä näticä yasadı. “Sälät” tormışına üz öleşen kertkän aktiw yaşlärne häm talantlı balalarnı büläklädelär.

“Sämrux” premiyase 9 nçı tapkır uzdırıla. Anıñ alıştırgısız alıp baruçıları -  “Sälät-Aznakay”dan Ramil Şäräfiew häm “Sälät-Bilär Kalası”nnan Gölnaz Säfärowa.

Här ciñüçegä, gadättägeçä, “Sämrux” sını, diplom partnerlardan zatlı büläklär häm akçalata premiya birelde. Oeştıruçılar akçanı maxsus platforma yardämendä cıygannar. Härkem büläkkä üz öleşen kertä algan. Kümäk köç belän bıel 664 meñ sum cıelgan.
Ciñüçelärne kotlarga märtäbäle kunaklar da kilgän ide.

Bötendönya tatar kongressı Milli şura räise Wasil Şäyxraziew balalarga respublika citäkçelegennän kaynar sälamnärne citkerde.
- Märkäzebezneñ üzägendä tatar milläteneñ kiläçäge cıelgan. “Sälät”kä bıel 30 yaş tula, tagın 30 eldan soñ da monda oçraşırga yazsın. Bez balalarnı “Sälät”kä cıep alarnıñ küñelendä milli ruxnı üsterü östendä eşlibez. “Sälät”tän üsep çıkkan laeklı citäkçelärebez dä bar, çönki älege platforma bezgä alga barırga, yaña ürlär yaularga mömkinlek birä. Yaktı kiläçägebezgä ömetebez sez! - dide ul.

1 alan häm 65 baladan başlangan “Sälät” el saen yaşlärneñ cıelu, aralaşu moxitenä äwerelä. Forumnarda gına da 25 meñgä yakın bala yal itä. Bilgele, sälkeşlärne bäxetle itü öçen zur komanda köç kuya. 

9 el däwamında älege premiyadä 800 dän artık keşe katnaşkan. Bıel 18 nominatsiyadä 32 ciñüçe isemnäre açıklandı. “El äydamanı” isemenä “Sälät-Rauşan” alanınnan Ilziya Näcipowa laek buldı.

- Älege nominatsiya başkalardan aerılıp tora. Äydamannar 5 kön däwamında 20dän artık sınau uzdı. Finalga 60 äydamannan 6 gına keşe çıktı. 4 sägat bue birämnärne ütäp, köçebezne sınadık. “Äydamannar yarışı”nda uzgan elnı da katnaştım. Sınaular bik awır bulgaç: “Bu cirgä kire kaytmıym”, - digän idem. Bıel da köçemne sınap karadım äle. Finalga uzuıma bik şatlandım. Ciñüçeneñ isemen äytkän mizgellärdä dä başkalar öçen kul çabarga äzer tora idem. Minem isemne atadılar! Mizgel eçendä törle xislär kiçerdem, şatlıktan küzlärem yaşlände. Äti-änilärgä, yakınnarıma, duslarıma, alanıma çiksez räxmät äytäm. Premiyadä katnaşkan härkem - ciñüçe, - dip äytte Ilziya Näcipowa.

Bıel «Sämrux» el premiyasenä 3 maxsus nominatsiya kertelde. Ciñüçelär isemlegenä «El klub ukıtuçısı», «El klub kuratorı» häm «Sälät klassı» da östälde. Süz uñaennan, “Sälät” klubları Tatarstan, Başkortstan, Çuwaşiya häm Samara ölkäsendä eşçänleklären alıp bara. Ä “Adımnar” mäktäplärendä 25 “Sälät” sıynıfı buldırılgan. Respublikada üseş öçen menä digän mömkinleklär bar. Bu xakta Tatarstannıñ yaşlär eşläre ministrı Rinat Sadıykow ta äytep ütte.

- Sez bik bäxetle buın, şäxes bularak üseşegez öçen barlık mömkinleklär dä tudırılgan. Sälät - ul tarix, bu tarixnı üsterik, saklıyk, nıgıtıyk, - dide ul.
Kiçäne Ilgiz Şäyxraziew, “ZAKARIA” törkeme, Yoldız Miñnullina häm Nürbäk Batulla çıgışları bizäde. 

IX «Sämrux» el premiyase ciñüçeläre:
«El sälkeşe» - Säet Srurow
«El äydamanı» - Ilziya Näcipowa
«El kuldaşları» - Älfir Zinnatullin häm Elwina Gatiyatullina «Sälät — Akbüre»
«El ölkän äydamanı» - Elina Säxäbiewa
«El metodistı» - Röstäm Fatıxow
«El direktorı» - Rizwanowa Kamilä
«El alanı» - «Sälät — Tel»
«El klubı» - «Sälät — Saba» klubı
«Sälät cırlıy» - «Toyam» - «Sälät — Cisem» alanı cırı
«Forum başcitäge» - Retina Zäräfetdinowa
«El ostazları» - Rämis Aymät, Zöfär Şakirow
«El partnerları» - Çuwaşiya Respublikasınıñ Batır munitsipal okrugı xakimiyate, Kazan şähäre Yaña Sawin rayonınıñ «107nçe gimnaziya «Açış» gomumi belem birü munitsipal byudjet uçrejdeniese, TR Fännär akademiyaseneñ gamäli semiotika institutı
«Bez räxmätle» - Ilsur Safyanow, Rimma Ibrahimowa, Leniza Rizwanowa
«Ber dulkında» - «Yaşlär diplomatiyase akademiyase» yaşlär oeşması
«Sälät stipendiyase» - Kamilä Galiewa, Almaz Nigmätcanow, Zilä Färxiewa
«El klub ukıtuçıları» - Läysän Salixowa «Sälät — Adımnar Alabuga» klubı, Ruşaniya Moratşina «Sälät — Aksubay» klubı, Dinä Sadriewa «Sälät — Yaşel Üzän» klubı
«Sälät klassı» - «Adımnar - Tübän Kama» 2 «B» sıynıfı

 

Tulırak: https://shahrikazan.ru/news/%D2%97%D3%99mgyiyat/vasil-saixraziev-iakty-kilacagebezga-ometebez-sez