Казанда ел саен үткәрелә торган «Сәмрух» премиясенә йомгак ясадылар
10.03.2021
Bügen «Piramida» mädäni-küñel açu kompleksında sälätle balalar häm talantlı yaşlärgä yardäm itü ölkäsendä el saen ütkärelä torgan VI Respublikaküläm «Sämrux» premiyase ciñüçelären büläkläü tantanası uzdı. Bu premiya Tatarstan Respublikası Xökümäte yardäme belän «Sälät» ictimagıy fondı tarafınnan 2015 eldan başlap, 13 nominatsiya buença ütkärelä: «El direktorı», «El ölkän äydamanı», «El äydamanı», «El alanı», «El sälkeşe», «El klubı», «El kuldaşları»,«El partnerı», «Forum citäkçese», «El ostazı», «Sälät cırlıy», «Sälät stipendiyase».
Bıel oeştıruçılar tarafınnan «El initsiatiwası» digän yaña nominatsiya täkdim itelde. Anıñ kısalarında «Sälät» töbäkara klubları häm «Sälät» aktiwlar mäktäbe proekt törkemnäre eşçänlegen tormışka aşıru maksatınnan, katnaşuçılar proektları karaldı.
Yaşlär eşläre ministrınıñ berençe urınbasarı Timur Söläymanow barlık ciñüçelärne kotlap ütte häm «Sälät»tä talantlı balalar, yaşüsmerlär häm yaşlärneñ berniçä buını üsep kilüen assızıkladı: «El saen ütkärelä torgan «Sämrux» premiyase —«Sälät»tä törle ellarda katnaşuçılar häm tärbiyalänüçelärneñ oçraşu urını ul. Anda uzgan elga näticälär yasıylar häm berläşmäneñ iñ aktiw ägzaların atıylar».
Timur Söläymanow bilgeläp ütkänçä, ciñüçelärneñ härkaysı bügen 50şär meñ sum akça algan. Bu-balalar, alarnıñ äti-äniläre, wojatıylar, proekt citäkçeläre häm dusları tarafınnan fund.selet.biz platformasında cıelgan akça. Bu alarnıñ kertemnäreneñ kıymmäten tagın ber kat raslau bulıp tora.
«El sälkeşe» – «Sälkeş goda» nominatsiyase ciñüçese Nariman Wildanow: «Minem öçen «Sämrux» premiyasendä katnaşu ul – barınnan da elek, bik zur täcribä. Sälät ul – mömkinleklär kiñlege. Min monda inde 2016 eldan birle», – dip bilgeläp ütte.
Tulırak: https://tatar-congress.org/ru/blog/v-kazani-podveli-itogi-ezhegodnoy-premii-semruh/